Question

അന്തരീക്ഷത്തിലെ വായുവിൽ തുടർച്ചയായ ഘനീകരണപ്രകിയമൂലം ഘനീഭവിക്കപ്പെട്ട പദാർഥങ്ങളുടെ വലിപ്പം വർദ്ധിക്കുന്നു. ഭൂഗുരുത്വാകർഷണബലത്തെ ചെറുത്തുനിൽക്കാൻ കഴിയാതെവരുമ്പോൾ ഇവ ഭൂമുഖത്തേക്ക് പതിക്കുന്നു. ഇത്തരത്തിൽ ജലബാഷ്പം ഘനീഭവിച്ച് ഈർപ്പത്തിൻ്റെ പല രൂപങ്ങളായി ഭൂമിയിലേക്ക് പതിക്കുന്നതാണ് :

• A. വർഷണം
• B. ബാഷ്പീകരണം
• C. ഘനീഭവിക്കൽ
• D. മേഘരൂപീകരണം

Answer 1

Answer:

A. വർഷണം

വർഷണം (Precipitation) 

• അന്തരീക്ഷത്തിലെ വായുവിൽ തുടർച്ചയായ ഘനീകരണപ്രകിയമൂലം ഘനീഭവിക്കപ്പെട്ട പദാർഥങ്ങളുടെ വലിപ്പം വർദ്ധിക്കുന്നു. 

• ഭൂഗുരുത്വാകർഷണബലത്തെ ചെറുത്തുനിൽക്കാൻ കഴിയാതെവരുമ്പോൾ ഇവ ഭൂമുഖത്തേക്ക് പതിക്കുന്നു. ഇത്തരത്തിൽ ജലബാഷ്പം ഘനീഭവിച്ച് ഈർപ്പത്തിൻ്റെ പല രൂപങ്ങളായി ഭൂമിയിലേക്ക് പതിക്കുന്നതിനെയാണ് വർഷണം എന്നു പറയുന്നത്. 

• വർഷണം ദ്രാവകാവസ്ഥയിലും ഖരാവസ്ഥയിലും സംഭവിക്കാം. 

• ഊഷ്‌മാവ് പൂജ്യം ഡിഗ്രിയിലും താഴ്ന്നാൽ നേർത്ത മഞ്ഞുപാളികളായാണ് വർഷണം നടക്കുക. ഇതിനെ മഞ്ഞുവീഴ്ച്‌ച (snow fall) എന്നു വിളിക്കുന്നു.

സ്ലീറ്റ് (Sleet)

• തണുത്തുറഞ്ഞ മഴത്തുള്ളിയും വീണ്ടും തണുത്തുറഞ്ഞത് ഉരുകിയ മഞ്ഞുവെള്ളവുമാണ്.

•  ഖരാങ്കത്തിന് (Freezing point) മുകളിൽ ഊഷ്മാവുള്ള മറ്റൊരു പാളി വായു വന്നു ചേരുമ്പോൾ ഉണ്ടാകുന്ന വർഷണമാണ് സ്ലീറ്റ്

ആലിപ്പഴം

• മഞ്ഞുകട്ടയുടെ രൂപത്തിലുള്ള വർഷണം 

• മഴത്തുള്ളികൾ തണുത്ത വായുപാളികളുള്ള മേഘങ്ങളി ലേക്ക് നീക്കം ചെയ്യപ്പെടുമ്പോൾ തണുത്തുറഞ്ഞ് രൂപം കൊള്ളുന്നതാണ് ആലിപ്പഴങ്ങൾ (Hailstones)